អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃចន្ទ ១៥រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២០ ខែកក្កដា ឆ្នាំ២០២០ ឯកឧត្តម ឧត្តមសេនីយ៍ឯក អ៊ឹម ប្រណិតា អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ច​ប្រជុំការផ្សព្វផ្សាយសេចក្ដីណែនាំលេខ០៤៥សណន របស់ក្រសួងមហាផ្ទៃ ស្ដីពី ការបន្តដំណើរការកែតម្រូវ និងមោឃភាពទិន្នន័យ នៃបញ្ជីអត្រានុកូលដ្ឋាន ព្រមទាំងបាន​ផ្សព្វផ្សាយអំពីវឌ្ឍនភាព នៃការអនុវត្តសេចក្​តីណែនាំ​លេខ០១៥សណន ចុះថ្ងៃទី០១ ខែកក្កដា ឆ្នាំ២០១៩ ស្តីពីការចេញ​លិខិតរដ្ឋបាល និងលិខិតអត្រានុកូលដ្ឋានឱ្យសហព័ទ្ធជាខ្មែរ កូន និងជនបរទេស​​អន្តោប្រវេសន្ត និងការប្រើប្រាស់​សាកល្បង​ប្រព័ន្ធគ្រប់គ្រងឯកសារកែតម្រូវ និងមោឃភាពទិន្នន័យ នៃបញ្ជីអត្រានុកូលដ្ឋានតាមបណ្តារាជធានី ខេត្ត។ ក្នុងកិច្ច​ប្រជុំនេះផងដែរក៏មានការអញ្ចើញចូលរួម ឯកឧត្តម អគ្គនាយករង លោកអនុប្រធាននាយកដ្ឋានអត្រានុកូលដ្ឋាន និងលោក លោកស្រីប្រធានការិយាល័យ នៃអគ្គនាយកដ្ឋានអត្តសញ្ញាណ​កម្ម ព្រមទាំងអស់លោក លោកស្រីប្រធាន អនុប្រធានការិយា​ល័យអត្រានុកូលដ្ឋានរាជធានី ខេត្ត៕