៦-កាត់បន្ថយការចំណាយរបស់ប្រជាពលរដ្ឋដោយពុំចាំបាច់បង់ប្រាក់ប្រដាប់ក្តី ឬការចំណាយផ្សេងៗលើសេវាកែតម្រូវ និងមោឃភាពទិន្នន័យ នៃបញ្ជី អត្រានុកូលដ្ឋាន។ នេះគឺជាសមិទ្ធផលថ្មីមួយទៀត របស់អគ្គនាយដ្ឋានអត្តសញ្ញាណកម្ម ក្រសួងមហាផ្ទៃក្នុងដំណាក់កាលអនុវត្តកម្មវិធីនយោបាយនិងយុទ្ធសាស្ត្រចតុកោណដំណាក់កាលទី៤ នីតិកាលទី៦នៃរដ្ឋសភា៕

អគ្គនាយកដ្ឋានអត្តសញ្ញាណកម្ម៖ នាថ្ងៃអង្គារ ៨កើត ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៩ ខែកក្កដា ឆ្នាំ២០១៩ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ចប្រជុំ ដកពិសោធន៍ការងារអត្រានុកូលដ្ឋាន ។ ក្នុងកិច្ចប្រជុំនេះផងដែរក៏មានការ អញ្ជើញចូលរួម ឯកឧត្តម អគ្គនាយករង លោក-លោកស្រី ប្រធាន-អនុប្រធាននាយកដ្ឋាន លោក-លោកស្រី នាយ-ប្រធានការិយាល័យ ព្រមទាំង មន្ត្រី ចំណុះនាយកដ្ឋានអត្រានុកូលដ្ឋាន នៃអគ្គនាយដ្ឋានអត្តសញ្ញាណកម្ម។ 

ឆ្លងតាមបទពិសោធន៍នៅក្នុងអំឡុងពេលនៃការអនុវត្តការងារកែតម្រូវ និងធ្វើមោឃភាពទិន្នន័យនៃបញ្ជីអត្រានុកូលដ្ឋាន ទោះបីជាមានការប្រឈម មួយចំនួនក្តី ប៉ុន្តែមានចំណុចខ្លាំងមួយចំនួនគួរឲ្យកត់សម្គាល់ សម្រាប់ការដឹកនាំ ការត្រួតពិនិត្យ និងបម្រើ ប្រជាពលរដ្ឋ៖

១-ប្រជាពលរដ្ឋមានការសាទរជាមួយនឹងការដាក់ពាក្យស្នើសុំកែតម្រូវ មោឃភាពទិន្នន័យ នៃបញ្ជីអត្រានុកូលដ្ឋានដោយមិចចាំបាច់ស្មុកស្មាញក្នុង ការដាក់ពាក្យទៅស្ថាប័នតុលាការ

២-ការគ្រប់គ្រង លើការងារកែតម្រូវ និងមោឃភាពទិន្នន័យ នៃបញ្ជីអត្រានុកូល ដ្ឋាន មានភាពល្អប្រសើរ

៣-បានបង្ខិតសេវាជិតប្រជាពលរដ្ឋ ស្របតាមគោលការណ៍របស់រាជរដ្ឋាភិបាល

៤-បានកែលម្អនូវចំណុចខុសឆ្គង និងបំពេញនូវចំណុចខ្វះខាតរបស់រដ្ឋបាល ថ្នាក់ឃុំ សង្កាត់ ដែលបានអនុវត្តការងារកន្លងមក

៥-បានជួយសម្រួលដល់ប្រជាពលរដ្ឋឱ្យមានឯកសារអត្តសញ្ញាណត្រឹមត្រូវ គឺបុគ្គលម្នាក់មានអត្តសញ្ញាណតែមួយ