រាជធានីភ្នំពេញ៖ នៅថ្ងៃពុធ ៩កើត ខែស្រាពណ៍ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី២៩ ខែកក្កដា ឆ្នាំ២០២០ លោកឧត្តមសេនីយ៍ទោ មិន សុផេត ស្នងការរងទទួលផែនអត្តសញ្ញាណកម្ម នៃស្នងការដ្ឋាននគរបាលរាជធានីភ្នំពេញ បានដឹកនាំកិច្ចប្រជុំផ្សព្វផ្សាយស្តីពីការផ្ទេរសមត្ថកិច្ចក្នុងការផ្ដល់សៀវភៅស្នាក់នៅនិងសៀវភៅគ្រួសារក្នុងនោះរួមមាន៖- ប្រកាសលេខ២៨៨៤ ប្រក ចុះថ្ងៃទី០១ ខែកក្កដា ឆ្នាំ២០២០ របស់ក្រសួងមហាផ្ទៃ។ - សេចក្តីណែនាំលេខ០០១ សជណ ចុះថ្ងៃទី២២ ខែកក្កដា ឆ្នាំ ២០២០ របស់អគ្គនាយកដ្ឋានអត្តសញ្ញាណកម្ម។ - សេចក្តីជូនដំណឹងលេខ ១៣៤ សជណ ចុះថ្ងៃទី២២ ខែ កក្កដា ឆ្នាំ២០២០ របស់អគ្គនាយកដ្ឋានអត្តសញ្ញាណកម្ម។ ក្នុងនោះមានការអញ្ជើញចូលរួមពីលោកអធិការ អធិការរង និងនាយផ្នែកទទួលការងារអត្តសញ្ញាណកម្ម ទាំង១៤ខណ្ឌ និងប៉ុស្តិ៍នគរបាលរដ្ឋបាលទាំង១០៥៕