ខេត្តកំពង់ធំ៖ នៅថ្ងៃចន្ទ ១៤កើត ខែស្រាពណ៍ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី៣ ខែសីហា ឆ្នាំ២០២០ លោកវរសេនីយ៍ឯក យឿង សេរីវុឌ្ឍី ស្នងការរងផែនការងារអត្តសញ្ញាណកម្ម បានដឹកនាំកិច្ចប្រជុំផ្សព្វផ្សាយរួមមាន៖
-ប្រកាសលេខ២៨៨៤ ប្រក ចុះថ្ងៃទី១ ខែកក្កដា ឆ្នាំ២០២០ ស្ដីពីការផ្ទេរសមត្ថកិច្ចក្នុងការផ្ដល់សៀវភៅស្នាក់នៅ និងសៀវភៅគ្រួសារ របស់ក្រសួងមហាផ្ទៃ
-សេចក្ដីណែនាំលេខ០០១ សណន ចុះថ្ងៃទី២២ ខែកក្កដា ឆ្នាំ២០២០ ស្ដីពីបែបបទនិងនិតិវិធីនៃការងារចុះបញ្ជីនិងគ្រប់គ្រងការស្នាក់នៅ
របស់អគ្គនាយកដ្ឋានអត្តសញ្ញាណកម្ម។ ក្នុងកិច្ចប្រជុំផ្សព្វផ្សាយនេះក៏មានការអញ្ជើញចូលរួមលោកនាយ នាយរងការិយាល័យ លោកនាយនារងផ្នែក និងមន្ត្រីចំណុះផែនអត្តសញ្ញាណកម្ម លោកអធិការ អធិការរង លោកនាយ នាយរងផ្នែកចំណុះអធិការដ្ឋាននគរបាលស្រុក ក្រុង លោកនាយប៉ុស្តិ៍នគរបាលរដ្ឋបាលឃុំ សង្កាត់ ព្រមទាំងមន្ត្រីដែលពាក់ព័ន្ធ៕