ខេត្តកែប៖ នៅថ្ងៃចន្ទ ៦រោច ខែស្រាពណ៍ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី១០ ខែសីហា ឆ្នាំ២០២០ លោកឧត្តមសេនីយ៍ត្រី សម្បត្តិ សុធារដ្ឋ ស្នងការដ្ឋាននគរបាលខេត្តកែប បានដឹកនាំកិច្ចប្រជុំផ្សព្វផ្សាយរួមមាន៖
-ប្រកាសលេខ២៨៨៤ ប្រក ចុះថ្ងៃទី១ ខែកក្កដា ឆ្នាំ២០២០ ស្ដីពីការផ្ទេរសមត្ថកិច្ចក្នុងការផ្ដល់សៀវភៅស្នាក់នៅ និងសៀវភៅគ្រួសារ របស់ក្រសួងមហាផ្ទៃ
-សេចក្ដីណែនាំលេខ០០១ សណន ចុះថ្ងៃទី២២ ខែកក្កដា ឆ្នាំ២០២០ ស្ដីពីបែបបទនិងនិតិវិធីនៃការងារចុះបញ្ជីនិងគ្រប់គ្រងការស្នាក់នៅ
របស់អគ្គនាយកដ្ឋានអត្តសញ្ញាណកម្ម និងបានប្រគល់ត្រាសម្រាប់បោះលើសៀវភៅស្នាក់នៅ និងសៀវភៅគ្រួសារ ព្រមទាំងបែងចែកឯកសារពាក្យសុំផ្តល់សៀវភៅស្នាក់នៅ និងសៀវភៅគ្រួសារ និងបែងចែកសៀវភៅស្នាក់នៅ សៀវភៅគ្រួសារ ដល់អធិការរដ្ឋានគរបាលក្រុង ស្រុក បន្តយកទៅចែកជូនដល់ប៉ុស្តិនគរបាលទាំង០៥ ដើម្បីផ្ដល់ជូនប្រជាពលរដ្ឋប្រើប្រាស់។