ខេត្តកំពង់ចាម៖ នៅថ្ងៃចន្ទ ៦រោច ខែស្រាពណ៍ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី១០ ខែសីហា ឆ្នាំ២០២០ លោកឧត្តមសេនីយ៍ត្រី ខេង ស្រេង ស្នងការរងទទួលផែនអត្តសញ្ញាណកម្ម និងជាប្រធានដឹកនាំពង្រឹងអធិការដ្ឋាននគរបាលស្រុកកោះសូទិន បានដឹកនាំលោកនាយ នាយរងការិយាល័យជាក្រុមការងារដឹកនាំពង្រឹងអធិការដ្ឋាន អមដំណើរដោយលោក វរសេនីយ៍ឯក អុឹម ឃឿន អធិការនគរបាលស្រុកកោះសូទិន បានចុះផ្សព្វផ្សាយរួមមាន៖
-ប្រកាសលេខ២៨៨៤ ប្រក ចុះថ្ងៃទី១ ខែកក្កដា ឆ្នាំ២០២០ ស្ដីពីការផ្ទេរសមត្ថកិច្ចក្នុងការផ្ដល់សៀវភៅស្នាក់នៅ និងសៀវភៅគ្រួសារ របស់ក្រសួងមហាផ្ទៃ
-សេចក្ដីណែនាំលេខ០០១ សណន ចុះថ្ងៃទី២២ ខែកក្កដា ឆ្នាំ២០២០ ស្ដីពីបែបបទនិងនិតិវិធីនៃការងារចុះបញ្ជីនិងគ្រប់គ្រងការស្នាក់នៅ
របស់អគ្គនាយកដ្ឋានអត្តសញ្ញាណកម្ម និងត្រួតពិនិត្យ ពង្រឹងប៉ុស្តិ៍នគរបាលរដ្ឋបាលចំនួន០៤។ក្នុងនោះក៏មានការអញ្ជើញចូលរួម លោកអធិការរង លោកនាយ នាយរងផ្នែក និងប៉ុស្តិ៍នគរបាលរដ្ឋបាល ៕