ខេត្តកំពង់ឆ្នាំង៖ នៅថ្ងៃពុធ ៨រោច ខែស្រាពណ៍ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី១២ ខែសីហា ឆ្នាំ២០២០ ឯកឧត្តម ឧត្តមសេនីយ៍ឯក សុខ ឃន អគ្គនាយករង និង ឯកឧត្តម ស៊ុន សុវណ្ណរិទ្ធី អភិបាលរង ខេត្តកំពង់ឆ្នាំង បានអញ្ជើញដឹកនាំកិច្ចប្រជុំត្រួតពិនិត្យការអនុវត្តសេចក្តីណែនាំលេខ០១៥ សណន របស់ក្រសួងមហាផ្ទៃ និងការ​បំលាស់ទីជនបរទេសអន្តោប្រវេសន្តពីផ្ទះបណ្តែតទឹកមកតាំងទីលំនៅលើដីគោក នៅខេត្តកំពង់​ឆ្នាំង។​ ក្នុងកិច្ចប្រ​ជុំ​នេះក៏មាន​ការអញ្ជើញចូលរួមពីលោកស្នងការរងទទួលផែនអត្តសញ្ញាណកម្ម លោកអធិការនគរបាលពាក់ព័ន្ធ មេប៉ុស្តិ៍នគរ​បាល​រដ្ឋ​បាលពាក់ព័ន្ធ និងមន្ត្រីពាក់ព័ន្ធក្នុងខេត្ត ព្រមទាំងលោក​អនុប្រធាននាយកដ្ឋាន លោកនាយ នាយរងការិយាល័យ ចំណុះនាយកដ្ឋានស្ថិតិប្រជាពលរដ្ឋ នៃអគ្គនាយកដ្ឋាន​អត្តសញ្ញាណ​កម្ម៕