ខេត្តកំពង់ចាម៖ នៅថ្ងៃសុក្រ ១០រោច ខែស្រាពណ៍ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី១៤ ខែសីហា ឆ្នាំ២០២០ លោកវរសេនីយ៍ឯក រស់ ម៉ុងសេង នាយការិយាល័យគ្រប់គ្រងការស្នាក់នៅ នៃស្នងការដ្ឋាននគរបាលខេត្តកំពង់ចាម បានដឹកនាំកិច្ចប្រជុំផ្សព្វផ្សាយ ផែនការលេខ២៦៥ផក ចុះថ្ងៃទី០៥ ខែសីហា ឆ្នាំ២០២០ បង្កើតក្រុមការងារចុះផ្សព្វផ្សាយ អនុក្រឹត្យ ប្រកាសសេចក្តីណែនាំ និងនីតិវិធី បែបបទក្នុងការផ្ទេរសមត្ថកិច្ចសៀវភៅស្នាក់នៅ និងសៀវភៅគ្រួសារ របស់ផែនការងារអត្តសញ្ញាណកម្ម អំពី ប្រកាសលេខ២៨៨៤ ប្រកចុះថ្ងៃទី០១ ខែកក្កដា ឆ្នាំ២០២០ និងសេចក្ដីណែនាំលេខ០០១ សណនចុះថ្ងៃទី២២ ខែកក្កដា ឆ្នាំ២០២០ ដល់អធិការដ្ឋាននគរបាលស្រុក ក្រុង ទាំង១០។ ក្នុងកិច្ចប្រជុំផ្សព្វផ្សាយក៏មានការអញ្ជើញចូលរួមពី លោក លោកស្រីនាយ នាយរងការិយាល័យ លោកនាយ នាយរងផ្នែកនិងមន្ត្រីដែលពាក់ព័ន្ធ៕