ខេត្តកំពង់ឆ្នាំង៖ នៅព្រឹកថ្ងៃអង្គារ ៧កើត ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៥ ខែសីហា ឆ្នាំ២០២០ សកម្មភាពក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានបើកវគ្គបណ្តុះបណ្តាល រំលឹកឡើងវិញ ស្តីពី របៀបកត់ត្រាការងារអត្រានុកូលដ្ឋាន នៅខេត្តកំពង់ឆ្នាំង។ ដោយមានការអញ្ជើញចូលរួម លោក លោកស្រីអភិបាលរងខេត្ត នាយករដ្ឋបាលសាលាខេត្ត តំណាងមន្ទីអប់រំ មន្ទីរសុខាភិបាល នាយកទីចាត់ការរដ្ឋបាល ប្រធាន អនុប្រធានការិយាល័យស្ថិតិ និងអត្រានុកូលដ្ឋានខេត្ត ព្រមទាំងអភិបាលរងក្រុង ស្រុក មេឃុំ ចៅសង្កាត់ ស្មៀន និងជំនួយការរដ្ឋបាលឃុំ សង្កាត់ជាច្រើនផងដែរ៕