នៅសាលាប្រជុំនាយកដ្ឋានបុគ្គលិក៖ នារសៀលថ្ងៃព្រហស្បតិ៍ ៩កើត ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៧ ខែសីហា ឆ្នាំ២០២០ លោក​ឧត្តម​សេនីយ៍ត្រី លី សុគន្ធីរ៉ា អនុប្រធាននាយកដ្ឋាន និងលោក​វរសេនីយ៍ឯក ស៊ុយ ធឿន នាយការិយា​ល័យ​បុគ្គលិក និងបណ្តុះបណ្តាល ចំណុះនាយកដ្ឋានរដ្ឋបាល សរុប នៃអគ្គនាយកដ្ឋាន​អត្តសញ្ញាណកម្ម បានអញ្ជើញចូល​រួមក្នុង​កិច្ចប្រជុំពិភាក្សា ស្ដីពី ការងារសមាគមមិត្តនគរ​បាលជាតិ​កម្ពុជា ក្រោមអធិប​តិភាព លោកឧត្តមសេនីយ៍ឯក ហុក ថាវណ្ណ អនុប្រធាននាយកដ្ឋាន តំណាងឯកឧត្តម នាយឧត្តមសេនីយ៍ ប៉ែន វិបុល អគ្គស្នងការរង និងជាប្រធាននាយកដ្ឋានបុគ្គលិក ក្រសួងមហាផ្ទៃ។ ក្នុងកិច្ចប្រជុំ​នេះផង​ដែរក៏មាន​ការអញ្ជើញ​ចូលរួម លោកប្រធាន អនុប្រធាននាយកដ្ឋាននា​នា​ចំណុះ​ក្រសួងមហាផ្ទៃ លោកនាយការិយាល័យ និងអង្គភាព​ជំនាញ​ពាក់ព័ន្ធជាច្រើនផងដែរ៕