អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃព្រហស្បតិ៍ ១រោច ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៣ ខែកញ្ញា ឆ្នាំ២០២០ ឯកឧត្តម ឧត្តមសេនីយ៍ឯក តុប នេត អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ចប្រជុំពិភាក្សា​ការតាក់តែងសេចក្តីព្រាងអនុក្រឹត្យ ស្ដីពី ការការពារសុវត្ថិភាព និងការប្រើប្រាស់ទិន្នន័យអត្តសញ្ញាណបុគ្គល។ ក្នុងកិច្ចប្រជុំនេះផង​ដែរក៏មានការអញ្ចើញចូលរួម ដោយ ឯកឧត្តម តំណាង​ក្រុមប្រឹក្សានីតិកម្ម ឯកឧត្តម អគ្គនាយករង លោកប្រធាន អនុប្រធាននាយកដ្ឋាន និងមន្ត្រីពាក់ព័ន្ធ ចំណុះអគ្គនាយកដ្ឋាន​អត្តសញ្ញាណកម្ម៕