ខេត្តបន្ទាយមានជ័យ៖ នៅថ្ងៃអង្គារ ៦រោច ខែភទ្របទ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី៨ ខែកញ្ញា ឆ្នាំ២០២០ ក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋាន​អត្តសញ្ញាណកម្ម បានបើកវគ្គបណ្តុះបណ្តាលរំលឹកឡើងវិញ ស្តីពីរបៀបកត់ត្រាការងារអត្រានុកូលដ្ឋាន នៅសាលា​ខេត្តបន្ទាយមានជ័យ។ ក្នុងនោះក៏មានការអញ្ជើញ​ចូលរួមពីអភិបាលរងខេត្ត លោកនាយករដ្ឋបាលសាលាខេត្ត តំណាងតុលា មន្ទីអប់រំ មន្ទីរសុខាភិបាល នាយកទីចាត់ការរដ្ឋបាល ប្រធាន អនុប្រធានការិយាល័យស្ថិតិ និងអត្រានុកូលដ្ឋានខេត្ត អភិបាលរងក្រុង ស្រុក មេឃុំ ចៅសង្កាត់ ស្មៀន និងជំនួយការរដ្ឋបាលឃុំ សង្កាត់ សរុបទាំងអស់២២២នាក់៕