ខេត្តពោធិ៍សាត់៖ នៅថ្ងៃព្រហស្បតិ៍​ ៨រោច ខែភទ្របទ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី១០ ខែកញ្ញា ឆ្នាំ២០២០ ក្រុមការងារនាយកដ្ឋានអត្រានុកូលដ្ឋាន នៃអគ្គនាយក​ដ្ឋានអត្តសញ្ញាណកម្ម បានបើកវគ្គបណ្តុះបណ្តាល រំលឹកឡើង​វិញ ស្តីពី របៀបកត់ត្រាការងារអត្រានុកូលដ្ឋាន នៅសាលា​ខេត្តពោធិ៍សាត់។ ក្នុងនោះក៏មានការអញ្ជើញចូលរួមដោយ​លោកអភិបាលរងខេត្ត នាយករដ្ឋបាលសាលាខេត្ត តំណាងតុលាការ មន្ទីរអប់រំ មន្ទីរសុខាភិបាល នាយកទីចាត់ការរដ្ឋបាល ប្រធាន អនុប្រធានការិយាល័យស្ថិតិ និងអត្រានុកូលដ្ឋានខេត្ត អភិបាលរងក្រុង ស្រុក មេឃុំ ចៅសង្កាត់ ស្មៀន និងជំនួយការរដ្ឋបាលឃុំ សង្កាត់ សរុបទាំងអស់១៥៣នាក់៕