អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃអង្គារ ១៤រោច ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៣០ ខែកក្កដា ឆ្នាំ២០១៩ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ច ប្រជុំក្រុមការងារបច្ចេកទេសដើម្បីពិភាក្សាអំពីការអនុវត្តច្បាប់ សញ្ជាតិ ការចេញលិខិតរដ្ឋបាល និងលិខិតអត្រានុកូលដ្ឋានឱ្យ សហព័ទ្ធជាខ្មែរ កូន និងជនអន្តោប្រវេសន្តក្រោយការប្រកាស ទទួលស្គាល់ជាជនអន្តោប្រវេសន្តស្របច្បាប់។ ក្នុងកិច្ចប្រជុំ នេះផងដែរក៏មានការអញ្ជើញចូលរួម ឯកឧត្តម អគ្គនាយករង ព្រមទាំងឯកឧត្តម អគ្គនាយករងអន្តោប្រវេសន្ត ឯកឧត្តម អគ្គនាយករងរដ្ឋបាល ឯកឧត្តម អនុប្រធានក្រុមប្រឹក្សានីតិកម្ម និងលោកប្រធាននាយកដ្ឋានទាំង០៧ ចំណុះអគ្គនាយកដ្ឋាន អត្តសញ្ញាណកម្ម៕