អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃចន្ទ ១១កើត ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៨ ខែកញ្ញា ឆ្នាំ២០២០ ឯកឧត្តម ព្រុំ សុធារ អគ្គនាយករង និងឯកឧត្តម ឧត្តមសេនីយ៍ឯក ម៉ែន សុផុន អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំ​កិច្ច​ប្រជុំ​សេច​ក្ដី​ព្រាងប្រកាស ស្ដីពី បែបបទ និងនីតិវិធីស្ដីពី​ការសុំ​លះ​បង់​សញ្ជាតិខ្មែរដោយគ្មានការបង្ខិតបង្ខំ និងនីតិវិធី នៃការប្រគល់ និងការបញ្ចប់សុពលភាពឯកសារអត្តសញ្ញាណសញ្ជាតិខ្មែរ និងសេច​ក្ដី​ព្រាងប្រកាស ស្ដីពី រចនាសម្ព័ន្ធរបស់​នាយក​ដ្ឋាន​សញ្ជាតិ និងតួនាទី ភារកិច្ចរបស់ការិយាល័យចំណុះ។ កិច្ចប្រជុំ​នេះ​ក៏មានការអញ្ជើញចូលរួមពី លោក លោកស្រីអនុប្រ​ធាន​នាយកដ្ឋានសញ្ជាតិ ព្រមទាំងលោកនាយការិ​យាល័យ/លោក លោកស្រីប្រធានការិ​យាល័យ​ ចំណុះនាយកដ្ឋានសញ្ជាតិ នៃអគ្គនាយកដ្ឋានអត្តសញ្ញាណកម្ម៕