រាជធានីភ្នំពេញ៖ នៅព្រឹកថ្ងៃពុធ ១៣កើត ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី៣០ ខែកញ្ញា ឆ្នាំ២០២០ លោកជំទាវ ឧត្តមសេនីយ៍ឯក ឌុច ដាណា អគ្គនាយករង នៃអគ្គនាយកដ្ឋាន​អត្តសញ្ញាណកម្ម បានអញ្ជើញចូលរួមក្នុងកិច្ចប្រជុំក្រុមការងារ​ការពារ​ជនរងគ្រោះ ប្រចាំត្រីមាសទី៣ ឆ្នាំ២០២០ ស្ដីពី ការពង្រឹងកិច្ច​សហប្រតិ​បត្តិការ និងពិភាក្សាការងារអនុវត្តកន្លងមកក្នុង​គោលបំណងរកដំណោះ​ស្រាយរួមគ្នា និងលើកទិសដៅបន្ត ក្រោមអធិបតីភាព ឯកឧត្តម ញ៉ឹក វណ្ណារ៉ា រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិ​សម្បទា។ ក្នុងកិច្ចប្រជុំនេះក៏មានការចូលរួមពី ឯកឧត្តម លោកជំទាវ លោក លោកស្រី តំណាងអគ្គនាយកដ្ឋាននានាចំណុះក្រសួងមហាផ្ទៃ និងក្រសួង ស្ថាប័ន អង្គភាពជំនាញពាក់ព័ន្ធជាច្រើនផងដែរ៕