អគ្គនាយកដ្ឋានភស្តុភារ និងហិរញ្ញវត្ថុ៖ នៅព្រឹក ថ្ងៃពុធ ៥រោច ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៧ ខែតុលា ឆ្នាំ២០២០ ក្រុមការងារ នៃអគ្គនាយកដ្ឋានអត្តសញ្ញាណកម្ម បានចូលរួមក្នុងពិធីប្រគល់-ទទួល សេវាថែទាំ និងជួសជុលលើប្រព័ន្ធគ្រប់គ្រងទិន្នន័យអត្តសញ្ញាណប័ណ្ណសញ្ជាតិខ្មែរជំហានទី០៣ លិខិតឆ្លងដែនជំហានទី០២ និងប្រព័ន្ធត្រួតពិនិត្យព្រំដែនកម្ពុជា CBMS ជូនក្រសួងមហាផ្ទៃ ផ្នែកសន្និសុខសាធារណៈ ក្រោមអធិបតីភាព ឯកឧត្តម សន្តិបណ្ឌិត ម៉ៅ ប៊ុនណាវិន រដ្ឋលេខាធិការ ក្រសួងមហាផ្ទៃ។ ក្នុងពិធីនេះក៏មានការចូលរួមពី ឯកឧត្តម លោកជំទាវ លោក លោកស្រី តំណាងអគ្គនាយកដ្ឋាននានាចំណុះក្រសួងមហាផ្ទៃ និងក្រសួង ស្ថាប័ន អង្គភាពជំនាញពាក់ព័ន្ធជាច្រើនផងដែរ៕