អត្តនាយកដ្ឋានអត្តសញ្ញាណកម្ម៖ នៅព្រឹកថ្ងៃអង្គារ ១១រោច ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៣ ខែតុលា ឆ្នាំ២០២០ ឯកឧត្តម អេង ច័ន្ទតារា អគ្គនាយករង និងជាប្រធាននាយកដ្ឋាន​អត្រានុកូលដ្ឋាន តំណាងឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញ​ជាអធិបតីក្នុងពិធីប្រគល់-ទទួល សម្ភារៈ និងសេវាកម្មអ៊ិនធឺណិត របស់ក្រុមហ៊ុន Ezecom Co., Ltd. ជូនដល់អគ្គនាយកដ្ឋានអត្តសញ្ញាណ​កម្ម សម្ភារៈដែលទទួលបានមាន សេវាអ៊ិនធឺណេតរយៈពេល០១ឆ្នាំ ដោយឥតិតថ្លៃ ចំនួន០២ខ្សែ កៅអីរង់ចាំ ចំនួន០២គ្រឿង តុការិយាល័យ​ចំនួន០១គ្រឿង និងទូរទស្សន៍ទំហំ៥៥អ៊ីង ចំនួន០២គ្រឿង។ បន្ទាប់មក ឯកឧត្តម អគ្គនាយករង បានប្រគល់លិខិតថ្លែងអំណរគុណ​របស់​អគ្គនាយកដ្ឋានអត្តសញ្ញាណកម្ម ជូនចំពោះក្រុមហ៊ុន Ezecom Co., Ltd.៕