ក្រុមការងារប្រអប់សំបុត្រទទួលមតិ សំណូមពរប្រជាពលរដ្ឋ៖ ដើម្បីដោះស្រាយបញ្ហាប្រឈមក្នុងការទទួលសេវាអត្តសញ្ញាណកម្មរបស់ប្រជាពលរដ្ឋនៅក្នុងសប្តាហ៍នេះ ក្រុមការងារប្រអប់សំបុត្រទទួលមតិ សំណូមពរប្រជាពលរដ្ឋ ដឹកនាំដោយឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និងជាប្រធានក្រុមការងារបានដឹកនាំ និងចាត់តាំងក្រុមការងារចុះបើកប្រអប់សំបុត្រទាំងអស់ដែលបានដាក់នៅតាមបណ្តាទីតាំងផ្តល់សេវាអត្តសញ្ញាណកម្ម។ទន្ទឹមនេះអគ្គនាយកដ្ឋានអត្តសញ្ញាណកម្ម ក៏មានយន្តការមួយចំនួនទៀត ដើម្បីទទួលមតិសំណូមពរ ព័ត៌មានពីប្រជាពលរដ្ឋរួមមាន ក្រុមប្រចាំការសេវាកម្មអត្តសញ្ញាណកម្ម និងប្រតិកម្មរហ័ស ដែលរង់ចាំឆ្លើយតបជូនប្រជាពលរដ្ឋតាមរយៈការសាកសួរតាមកម្មវិធី GDI eServices ដែលអាចទាញយក Download បានក្នុង App Store ឬ Google play និងអាចទាក់ទងតាមរយៈលេខទូរស័ព្ទប្រចាំការរាល់ម៉ោងធ្វើការដោយឥតគិតថ្លៃលេខ ១២៧១៕