នៅព្រឹកថ្ងៃចន្ទ ២រោច ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០២ ខែវិច្ឆិកា ឆ្នាំ២០២០ ឯកឧត្តម ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំក្រុមការងារ នៃនាយកដ្ឋានអត្រានុកូលដ្ឋាន ដើម្បីចុះត្រួតពិនិត្យ និងគាំទ្រការអនុវត្តការងារអត្រានុកូលដ្ឋាន នៅតាមឃុំ សង្កាត់ និងក្រុង ស្រុក នៃខេត្តស្វាយរៀង។ ក្នុងនេះក៏មានការអញ្ជើញចូលរួមពី លោកអភិបាលរងស្រុកស្វាយជ្រំ ខេត្តស្វាយរៀង លោកនាយករដ្ឋបាលស្រុក លោកប្រធានការិយាល័យរដ្ឋបាលស្រុក ព្រមទាំងមេឃុំ ស្មៀនឃុំ ជំនួយការឃុំទាំង១៦ឃុំ លោកមេប៉ុស្ដិ៍រដ្ឋបាល និងមន្រ្តីដែរពាក់ព័ន្ធផងដែរ៕