ទីស្តីការក្រសួងមហាផ្ទៃ៖ នៅព្រឹកថ្ងៃពុធ ៤រោច ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៤ ខែវិច្ឆិកា ឆ្នាំ២០២០ ថ្នាក់ដឹកនាំ និងមន្រ្តីជំនាញរបស់ អគ្គនាយក​ដ្ឋាន​អត្តសញ្ញាណកម្ម បានអញ្ជើញចូលរួម​ក្នុង​កិច្ចប្រជុំ​អន្តរក្រសួងពិនិត្យ និង​ពិ​ភា​ក្សា​បន្តលើសេច​ក្ដីព្រាងច្បាប់ ស្ដីពី អត្រានុ​កូលដ្ឋាន ស្ថិតិអត្រានុកូលដ្ឋាន និងអត្ត​សញ្ញាណ​​កម្ម ក្រោមអ​ធិ​ប​តី​ភាព លោកជំទាវ ចាន់ សុទ្ធាវី រដ្ឋលេខាធិការ ក្រសួងយុត្តិធម៌ និងជាប្រធាន​ក្រុមការ​ងារ​រៀប​ចំតាក់​តែង​សេចក្ដីព្រាងច្បាប់ ស្ដីពី អត្រានុកូលដ្ឋាន ស្ថិតិអត្រា​នុកូល​ដ្ឋាន និងអត្តសញ្ញាណ​កម្ម។ កិច្ចប្រជុំ​នេះ​ផងដែរក៏​មាន​ការអញ្ជើញចូលរួមពី ឯកឧត្តម រដ្ឋលេខា​ធិការ ក្រសួង​មហាផ្ទៃ ឯកឧត្តម អគ្គនាយករង ព្រមទាំងសមាជិក សមាជិកាក្រុមការងារ អ្នកជំនាញ​ផ្នែក​ច្បាប់របស់​ក្រសួង​យុត្តិធម៌ និងមន្រ្តីពាក់​ព័ន្ធ​ជាច្រើន​រូបផងដែរ។

សូមបញ្ជាក់ថា កិច្ចប្រជុំនាពេលព្រឹកនេះ គឺជាកិច្ចប្រជុំ​បន្តលើកទី១៩ ដែលក្រសួងមហាផ្ទៃ បានរៀបចំ​កិច្ចប្រជុំ​អន្ដរក្រសួង​ពិនិត្យ និងពិភាក្សាលើសេចក្ដីព្រាងច្បាប់ ស្ដីពី អត្រា​នុកូលដ្ឋាន ស្ថិតិ​អត្រានុកូលដ្ឋាន និងអត្តសញ្ញាណ​កម្មនេះ៕