ទីស្តីការក្រសួងការងារ និងបណ្តុះបណ្តាលវិជ្ជាជីវៈ៖ នៅរសៀលថ្ងៃព្រហស្បតិ៍​ ៥រោច ខែកត្តិក ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី៥ ខែវិច្ឆិកា ឆ្នាំ២០២០ ឯកឧត្ដម ឧត្តមសេនីយ៍ឯក វុធ ផល្លី អគ្គនាយករង តំណាងឯកឧត្ដម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋាន​អត្តសញ្ញាណកម្ម បានអញ្ជើញចូលរួមក្នុងកិច្ចប្រជុំថ្នាក់រដ្ឋមន្ត្រីការងារកម្ពុជា-ថៃ ស្តីពីការអនុវត្តអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការលើវិស័យការងារ និងកិច្ចព្រមព្រៀងស្តីពីការប្រើប្រាស់កំលាំងពលកម្ម ក្នុងអំឡុងការរីករាលដាលជំងឺកូវីដ-១៩ តាមប្រព័ន្ធវីដេអូ ក្រោមអធិបតីភាព ឯកឧត្ដម អ៊ិត សំហេង រដ្ឋមន្ត្រី នៃក្រសួងការងារ និងបណ្តុះបណ្តាលវិជ្ជាជីវៈ។ ក្នុងកិច្ចពិធីនេះក៏មានការអញ្ជើញចូលរួមពី ឯកឧត្ដម អគ្គនាយករង ព្រមទាំងថ្នាក់ដឹកនាំក្រសួងការងារ និងបណ្តុះបណ្តាលវិជ្ជាជីវៈ និងមន្ត្រីនៅក្រសួង ស្ថាប័នដែលពាក់ព័ន្ធជាច្រើនផងដែរ៕