នៅព្រឹកថ្ងៃពុធ ១១រោច ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១១ ខែវិច្ឆិកា ឆ្នាំ២០២០ ឯកឧត្តម ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំក្រុមការងារ នៃនាយកដ្ឋានអត្រានុកូលដ្ឋាន ដើម្បីចុះត្រួតពិនិត្យ និងគាំទ្រការអនុវត្តការងារ អត្រានុកូលដ្ឋាន នៅតាមឃុំ សង្កាត់ និងក្រុង ក្នុងស្រុកដងទង់ ខេត្តកំពត។ ក្នុងនេះក៏មានការអញ្ជើញចូលរួមពី លោក លោកស្រីអភិបាលរងស្រុក នាយករដ្ឋបាលស្រុក ការិយាល័យរដ្ឋបាលស្រុក ព្រមទាំងក្រុមប្រឹក្សាឃុំ ស្មៀនឃុំ ជំនួយការគ្រប់ឃុំទាំង១០ឃុំ និងមន្រ្តីដែរពាក់ព័ន្ធផងដែរ៕