នៅថ្ងៃអាទិត្យ ១៥រោច ខែកត្តិក ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី១៥ ខែវិច្ឆិកា ឆ្នាំ២០២០ ឯកឧត្តម គឹម វឌ្ឍនសោភ័ណ អគ្គនាយករង និងជាប្រធាននាយកដ្ឋានសញ្ជាតិ តំណាងឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមគោរពវិញាណក្ខន និងបំពាក់កម្រងផ្កាជូនសពលោកវរសេនីយ៍ត្រី ស្រេង សភា នាយរងការិយាល័យ នាយកដ្ឋានសញ្ជាតិ នៃអគ្គនាយកដ្ឋានអត្តសញ្ញាណកម្ម ព្រមទាំងនាំថវិកា៦លានរៀល របស់សមាគមមិត្តនគរបាលប្រគល់ជូនគ្រួសារនៃសព ដែលបានទទួលមរណៈភាពកាលពីថ្ងៃសៅរ៍ ១៤រោច ខែកត្តិក ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី១៤ ខែវិច្ឆិកា ឆ្នាំ២០២០ ក្នុងជន្មាយុ ២៨ឆ្នាំ ដោយរោគាពាធ។សពតម្កល់ធ្វើបុណ្យតាមប្រពៃណីនៅគេហដ្ឋានផ្ទះលេខ០៩I ផ្លូវលេខ៣BT ភូមិចំរើនផល សង្កាត់បឹងទំពន់០២ ខណ្ឌមានជ័យ រាជធានីភ្នំពេញ៕