យោងតាមការណែនាំរបស់ឯកឧត្តម នាយឧត្តមសេនីយ៍ អគ្គនាយក នៃអគ្គនាយកដ្ឋានអត្តសញ្ញាណកម្ម គ្រប់កន្លែងបម្រេីការងាររបស់ថ្នាក់ដឹកនាំ ព្រមទាំងមន្រ្តី និងកន្លែងផ្តល់សេវាអត្តសញ្ញាណកម្ម ត្រូវតែធានាបាននូវសុវត្ថិភាព៖ នៅរសៀលថ្ងៃចន្ទ ១៥កើត ខែមិគសិរ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី៣០ ខែវិច្ឆិកា ឆ្នាំ២០២០ នាយកដ្ឋានរដ្ឋបាល សរុប នៃអគ្គនាយកដ្ឋានអត្តសញ្ញាណកម្ម បានធ្វើការបាញ់ថ្នាំសម្លាប់មេរោគនៅកន្លែងបំពេញការងាររបស់ឯកឧត្តមអគ្គនាយក ក្នុងបរិវេណអគារ សាលប្រជុំ នាយកដ្ឋានជំនាញ និងតាមការិយាល័យ​នីមួយៗ​ចំណុះនាយកដ្ឋាន ព្រមទាំងបានវាស់ស្ទង់កំដៅជូនដល់ថ្នាក់ដឹកនាំ និងមន្ត្រីចំណុះនាយកដ្ឋានមុនចូលបំពេញការងារ ហើយបានផ្សព្វផ្សាយ​វិធីបង្ការទប់ស្កាត់ការឆ្លងរីករាលដាលជំងឺកូវីដ-១៩ (Covid-19) ផងដែរ។សូមចូលរួមទាំងអស់គ្នាដោយអនុវត្តឱ្យបានខ្ជាប់ខ្ជួននៅវិធានការណ៍អនាម័យ ដើម្បីបង្ការ ទប់ស្កាត់⁣ និងការពារខ្លួនអ្នក គ្រួសារអ្នក ព្រមទាំងកម្ពុជាពីជំងឺកូវីដ១៩ (Covid-19)៕