នៅសាលប្រជុំសាលាខេត្តកំពង់ស្ពឺ៖ លោកឧត្តមសេនីយ៍ទោ ប៊ុន សុបុត្ត អនុប្រធាននាយកដ្ឋានលិខិតឆ្លងដែន តំណាងនាយកដ្ឋានលិខិតឆ្លងដែន នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមជាវាគ្មិន ក្នុងសិក្ខាសាលាឆ្លុះបញ្ចាំងគម្រោង ចំណាកស្រុកឆ្លងដែនដោយសុវត្ថិភាព ក្រោមអធិបតីភាពលោកជំទាវ រ៉ន សិរីលក្ខិណា អគ្គលេខាធិការរង គ.ជ.ប.ជ តំណាងលោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ ក្រោមការដឹកនាំរៀបចំដោយអង្គការឃែរ (Care Org.) និងរដ្ឋបាលខេត្តកំពង់ស្ពឺ។ ក្នុងសិក្ខាសាលានោះមានគោលបំណងរួមមាន៖១. ធ្វើការឆ្លុះបញ្ចាំងលទ្ធផលដែលគម្រោងសម្រេចបាន ហើយចែករំលែកបទពិសោធន៍ និងកិច្ចសហការជាមួយភាគីពាក់ព័ន្ធ២. ចែករំលែកចំណេះដឹងស្តីពី ការបំពេញឯកសារ បែបបទ ឆ្លងដែន សម្រាប់ធ្វើការចំណាកស្រុកដោយសុវត្ថិភាព និងភាពរងគ្រោះដោយអំពើជួញដូរមនុស្ស នៃការធ្វើចំណាកស្រុកដោយមិនស្របច្បាប់៣. ការកំណត់ចំណុច ដែលត្រូវពង្រឹង និងផែនការអនុវត្តន៍បន្ត៕