ទីស្តីការក្រសួងមហាផ្ទៃ៖ នៅរសៀលថ្ងៃសុក្រ ៨រោច ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៥ ខែកុម្ភៈ ឆ្នាំ២០២១ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ច​ប្រជុំរៀបចំផែនការអនុវត្តបន្តសកម្មភាពការងារសម្រាប់ក្រុមការងារតាមដានប្រព័ន្ធទំនាក់ទំនងសង្គមហ្វេសប៊ុក (Facebook) របស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជណាចក្រកម្ពុជា និងប្រព័ន្ធទំនាក់ទំនងបណ្តាញសង្គម និងសារព័ត៌មាន (Madia and Social Network) ផ្សេងៗដែលទាក់ទងនឹងសមត្ថកិច្ច របស់ក្រសួងមហាផ្ទៃ ក្រោមអធិបតីភាព ឯកឧត្តម ហ៊ុយ វណ្ណៈ រដ្ឋលេខាធិការ ក្រសួងមហាផ្ទៃ និងជាប្រធានក្រុមការងារ។ ក្នុងកិច្ចប្រជុំនេះផងដែរក៏មាន​ការអញ្ចើញចូលរួម ឯកឧត្តម តំណាងអគ្គនាយកដ្ឋាន ព្រមទាំងលោក លោកស្រីតំណាងនាយកដ្ឋាននានាចំណុះក្រសួងមហាផ្ទៃ និងអង្គភាពជំនាញពាក់ព័ន្ធជាច្រើនផងដែរ៕