ខេត្តកំពង់ចាម៖ នៅព្រឹកថ្ងៃសុក្រ ១កើត ខែផល្គុន ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១២ ខែកុម្ភៈ ឆ្នាំ២០២១​ ឯកឧត្តម ឧត្តមសេនីយ៍ឯក គិន រោជ អគ្គនាយករង តំណាងឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយក​ដ្ឋានអត្តសញ្ញាណកម្ម បានអញ្ជើញចូល​រួម​អម​ដំណើរ សម្តេច​ក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តី​ក្រសួង​មហាផ្ទៃ បំពេញទស្សនកិច្ចនៅការ​ដ្ឋានបោស​សម្អាត​គ្រាប់មិន​ទាន់​ផ្ទុះក្នុងនាវាចម្បាំងលិច ដែលស្ថិត​នៅ​ភូមិវាល ឃុំមានជ័យ ស្រុកស្រីសន្ធរ ខេត្តកំពង់ចាម។ ក្នុងពិធី​នេះផង​ដែរក៏មាន​ការអញ្ជើញ​ចូលរួម ឯកឧត្តម អគ្គស្នងការ​នគរបាលជាតិ ឯកឧត្តម តំណាងអគ្គនា​យ​ក​ដ្ឋាននានា​ចំណុះក្រសួងមហាផ្ទៃ ព្រមទាំងអង្គភាព​ជំនាញ​ពាក់ព័ន្ធ ភាគីថ្នាក់ដឹកនាំ និងមន្រ្តី​របស់​ក្រសួងការពារជាតិជាច្រើន​ផងដែរ៕