អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃអង្គារ ១០កើត ខែចេត្រ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៣ ខែមីនា ឆ្នាំ២០២១ លោកជំទាវ ឧត្តមសេនីយ៍ឯក លឹម រស្មី អគ្គនាយករង និងជាប្រធានក្រុមការងារយេនឌ័រអគ្គនាយកដ្ឋានអត្តសញ្ញាណកម្ម បានរៀបចំពិធីសំណេះសំណាល និងប្រគល់ថវិការរបស់ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម ដែលមានសមាសភាពចូលរួមចំនួន ០៧នាក់ ដើម្បីនាំយកថវិការចែកជូនក្រុមការងារយេនឌ័រអគ្គនាយកដ្ឋានជានារី សរុបចំនួន ១៧៣នាក់ ក្នុង០១នាក់ទទួលបានថវិការ ៥០.០០០៛ សម្រាប់លើកទឹកចិត្តដល់នារី នៃថ្ងៃទិវាអន្តរជាតិនារី ៨មីនា ខួបលើកទី១១០ ឆ្នាំ២០២១។ ក្នុងពិធីនេះផងដែរលោកជំទាវ ប្រធានក្រុមការងារយេនឌ័រអគ្គនាយកដ្ឋាន បានឧបត្ថម្ភនូវថវិការចំនួន ២.២០០.០០០៛ ដើម្បីលើកទឹកចិត្តដល់នារី នៃអគ្គនាយកដ្ឋាន ដែលសម្រាលបានបុត្រាបុត្រីនាពេលកន្លងមក សរុបចំនួន ១១នាក់ ដោយក្នុង០១នាក់ ទទួលបានថវិការ ២០០.០០០៛។

ជាចុងក្រោយ លោកជំទាវ ក៏បានធ្វើការណែនាំតាម​ប្រសាសន៍របស់​ សម្ដេចអគ្គមហាសេនា​បតីតេជោ​ ហ៊ុន​ សែន​ នាយករដ្ឋមន្ត្រី​ នៃព្រះរាជាណាចក្រកម្ពុជា បីកុំ​ បីការពារ ដល់សមាជិក សមាជិកាក្រុមការងារយេនឌ័រ ចូលរួមធ្វើអនាម័យក្នុងស្មារតីរួមចំណែក ជាមួយរាជ​រដ្ឋា​ភិបាលកម្ពុជា នៅក្នុងការងារប្រយុទ្ធប្រឆាំងជំងឺរាតត្បាតកូវីដ-១៩ (Covid-19)៕