អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃសុក្រ ២រោច ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៨ ខែឧសភា ឆ្នាំ២០២១ ឯកឧត្តម ឧត្តមសេនីយ៍ឯក តុប នេត អគ្គនាយករង តំណាងអគ្គនាយកដ្ឋានអត្តសញ្ញាណកម្ម បាន​អញ្ជើញចូលរួមក្នុងកិច្ចប្រជុំឆ្លងសេចក្តីព្រាងអនុក្រឹត្យស្ដីពីការគ្រប់គ្រង ការប្រើប្រាស់ និងការការពារសុវត្ថិ​ភាព​ទិន្នន័យអត្តសញ្ញាណបុគ្គល តាម (Video Zoom) ក្រោមអធិបតីភាព ឯកឧត្តម​ ប៊ុន ហុន​ រដ្ឋលេខាធិការក្រសួងមហាផ្ទៃ​ និងជាប្រធានក្រុមការងារ។ កិច្ចប្រជុំនេះក៏មាន​ការ​អញ្ជើញ​ចូលរួមពី ឯកឧត្តម រដ្ឋលេខាធិការ អនុរដ្ឋលេខាធិការ ក្រសួងមហាផ្ទៃ ឯកឧត្តម អគ្គនាយករង លោក ប្រធាននាយកដ្ឋាន អនុប្រធាននាយកដ្ឋាន ចំណុះអគ្គនាយក​ដ្ឋាន​អត្តសញ្ញាណកម្ម ព្រមទាំង ឯកឧត្តម តំណាង​អង្គភាពចំណុះក្រសួងមហាផ្ទៃ និងមន្ត្រីអង្គភាព​ជំនាញ​ពាក់ព័ន្ធជាច្រើនផងដែរ។