នៅថ្ងៃព្រហស្បតិ៍ ១៤រោច ខែស្រាពណ៍ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៩ ខែសីហា ឆ្នាំ២០១៩ ឯកឧត្តម ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចុះទៅស្រុកសំបូរ និងក្រុងក្រចេះ ខេត្តក្រចេះ ដើម្បីត្រួតពិនិត្យ និងគាំទ្រការអនុវត្តការងារ អត្រានុកូលដ្ឋាន ការប្រើប្រាស់សៀវភៅស្រង់ស្ថិតិកំណើត អាពាហ៍ពិពាហ៍ និងមរណភាពដែលប្រើប្រាស់ដោយមេភូមិ នៅតាមឃុំ សង្កាត់ និងក្រុង ស្រុកទាំងអស់ក្នុងខេត្តក្រចេះ។ក្នុងកិច្ចប្រជុំត្រួត ពិនិត្យនេះផងដែលក៏មានការចូលរួមលោកអភិបាលស្រុក ក្រុង លោកនាយករដ្ឋបាលសាលាខេត្ត លោកប្រធានការិយា ល័យស្ថិតិអត្រនុកូលដ្ឋាន ព្រមទាំងលោកមេឃុំ ចៅសង្កាត់ ក្នុងខេត្តក្រចេះ។ ការចុះត្រួតពិន្យនេះមានគោលបំណងមើល អំពីលទ្ធផលនៃការអនុវត្តកន្លងមក និងស្វែងរកចំណុចខ្លាំង បញ្ហាប្រឈម ការខ្វះខាត់ និងការសហការ ដោះស្រាយ បញ្ហានានា នៅតាមថ្នាក់រដ្ឋបាលនីមួយៗ ឱ្យបានល្អប្រសើរ និងមានប្រសិទ្ធភាព។ ក្នុងនោះប្រជាពលរដ្ឋបានលើកជាសំនួរអំពីបញ្ហាដែលអនុវត្តជាក់ស្តែងកន្លងមក ហើយក្រុមការងារក៏បានឆ្លើយតប និងដោះស្រាយបញ្ហាទៅតាមតម្រូវការរបស់ប្រជាពលរដ្ឋ។