ទីស្ដីការក្រសួងមហាផ្ទៃ៖ នៅព្រឹកថ្ងៃព្រហស្បតិ៍ ៧កើត ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១១ ខែវិច្ឆិកា ឆ្នាំ២០២១ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញ​ចូលរួមក្នុងកិច្ចពិធីបញ្ចុះបឋមសីលាសាងសង់អគារទីស្ដីការក្រសួងមហាផ្ទៃថ្មី ក្រោមអធិបតីភាពដ៏ខ្ពង់ខ្ពស់ សម្តេចក្រ​ឡា​ហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោកជំទាវ។ ក្នុងពិធីនេះក៏មានការចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្តម អគ្គនាយក ឯកឧត្តម តំណាងអគ្គស្នងការនគរបាលជាតិ ព្រមទាំងឯកឧត្តម លោកជំទាវ តំណាងអគ្គនាយក​ដ្ឋាននានា​ចំណុះក្រសួងមហាផ្ទៃ និងអង្គភាពចំណុះក្រសួងពាក់​ព័ន្ធ​ចូលរួមផងដែរ៕