រាជធានីភ្នំពេញ៖ នៅថ្ងៃអង្គារ ១១កើត ខែកត្តិក ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី២៧ ខែតុលា ឆ្នាំ២០២០ នៅនិវេសនដ្ឋានឯកអគ្គរដ្ឋទូតសហរដ្ឋអាមេរិច ឯកឧត្តម ព្រុំ សុធារ អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួម ក្នុងពិធីរំលឹកខួប ៧០ឆ្នាំ (១៩៥០-២០២០) នៃទំនាក់ទំនងការទូត រវាងព្រះរាជាណាចក្រកម្ពុជា និងសហរដ្ឋអាមេរិច ក្រោមអធិបតីភាពឯក ឧត្តម ឯកអគ្គរដ្ឋទូតសហរដ្ឋអាមេរិច W. Patrick Murphy និងឯកឧត្តម កើត រិទ្ធ រដ្ឋមន្រ្តីក្រសួងយុត្តិធម៌ ព្រមទាំងមានការចូល រួមពីសំណាក់ ឯកឧត្តម លោកជំទាវ អស់លោក លោកស្រី ដែលអញ្ជើញមកពីក្រសួងយុត្តិធម៌ អគ្គនាយកដ្ឋានអន្តោប្រវេសន៍ អគ្គស្នងការដ្ឋាននគរបាលជាតិ ស្នងការដ្នាននគរបាលរាជធានីភ្នំពេញ ភារធារី មន្រ្តីFBI និងមន្រ្តីPolice នៃសហរដ្ឋអាមេរិច ។ក្នុងពិធីបានលើកឡើងពីកិច្ចសហប្រតិ្តការក្នុងការពង្រឹងនឹងការអនុវត្តន៍ច្បាប់ដើម្បីទប់ស្កាត់ ប្រឆាំង និងបង្ក្រាបទបល្មើសការជួញដូរកុមារ ការជួញដូរផ្លូចភេទ ការជួញដូរមនុស្ស ការជួញដូរគ្រឿងញៀន ការជួញដូរវត្ថុបុរាណ បទល្មើសព្រៃឈើ និងបទល្មើសហិរញ្ញវត្ថុ៕