ខេត្តកំពង់ស្ពឺ៖ នៅថ្ងៃចន្ទ ៨រោច ខែមិគសិរ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី២៧ ខែធ្នូ ឆ្នាំ២០២១ លោកវរសេនីយ៍ឯក អូន សុវ៉េត ស្នងការរង​ទទួលផែនការងារអត្តសញ្ញាណកម្ម បានដឹកនាំកិច្ចប្រជុំបូក​ស​រុបការងារអត្តសញ្ញាណកម្ម បូកសរុបលទ្ធផលការងារឆ្នាំ២០២១ និងទិសដៅការងារឆ្នាំ២០២២ ព្រមទាំងប្រគល់ជូន​សៀ​វ​ភៅកម្រងឯកសារស្តីពីបែបបទនីតិវិធី នៃការផ្តល់សៀវភៅស្នាក់នៅ(ក២) សៀវភៅគ្រួសារ(ក៤) ជូនដល់អធិ​កា​រដ្ឋាននគរបាលក្រុង/ស្រុក ទាំង៨ ដើម្បីបន្តចែកជូ​នដល់ប៉ុស្តិ៍នគរបាលរដ្ឋបាល ក្នុងការផ្តល់សេវាអត្តសញ្ញាណកម្ម ។ក្នុងកិច្ចប្រជុំនេះផងដែរក៏មានការអញ្ជើញចូលរួមពីលោកនាយការិយាល័យជំនាញ លោក-លោកស្រីនាយករងការិយាល័យ លោកនាយ-នាយរងផ្នែក អធិការរងទទួលការងារអត្ដសញ្ញាណកម្ម ទាំង០៨ក្រុង/ស្រុក ។ មានប្រសាសន៍ក្នុងកិច្ចប្រជុំលោកវរសេនីយ៍ឯក ស្នងការរង បានណែនាំដល់អធិការរងទទួលផែនការងារអត្ដសញ្ញាណកម្ម ទាំង០៨ ក្រុង/ស្រុក ត្រូវយកចិត្ដទុកដាក់និងណែនាំដល់មន្រ្ដីជំនាញតាមបណ្ដាប៉ុស្តិ៍នគរបាលរដ្ឋបាលឃុំ/សង្កាត់ ត្រូវយកចិត្តទុកដាក់ក្នុងការបេីកផ្ដល់អត្ដសញ្ញាណប័ណ្ណសញ្ជាតិខ្មែរ ជូនពល​រដ្ឋសម្រាប់​យកទៅប្រេីប្រាស់ និងពន្លឿនឯកសារមួយចំនួនដូចជា ពាក្យបណ្ដឹងបាត់ ខូច កែរតម្រូវ កែរសាលក្រម ជាដើម ជូនប្រជាពលរដ្ឋជៀសវាង ទុកឯកសារ ឬសំណើរបស់ប្រជាពលរដ្ឋចោល ត្រូវបញ្ជូនឯកសារទាំងអស់នោះមកការិយាល័យជំនាញអោយបានទាន់ពេលវេលា៕