រាជធានីភ្នំពេញ៖ នៅព្រឹកថ្ងៃសុក្រ ១២រោច ខែពិសាខ ឆ្នាំម្សាញ់ សប្តស័ក ព.ស២៥៦៩ ត្រូវនឹងថ្ងៃទី២៣ ខែឧសភា ឆ្នាំ២០២៥ ឯកឧត្តម ប៉ាវ ហម ផាន រដ្ឋលេខាធិការ ក្រសួងមហាផ្ទៃ ទទួលបន្ទុកអគ្គនាយកដ្ឋានអត្តសញ្ញាណកម្ម និងឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង ឯកឧត្តម អេង ច័ន្ទតារា អគ្គនាយករង និងជាប្រធាននាយកដ្ឋានអត្រានុកូលដ្ឋាន ព្រមទាំងលោកឧត្តមសេនីយ៍ទោ សក់ កែវដ្ឋារ៉ារ័ត្ន ប្រធាននាយកដ្ឋានអត្តសញ្ញាណបណ្ណសញ្ជាតិខ្មែរ នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំពិភាក្សាលើការរៀបចំកំណត់បន្ទាត់មូលដ្ឋាន និងចំណុចគោលដៅ នៃសូចនាករសមិទ្ធកម្មគន្លឹះស្តីពីការយល់ឃើញរបស់ប្រជាពលរដ្ឋ លើប្រសិទ្ធភាព និងគុណភាព នៃការផ្តល់សេវារដ្ឋបាលជូនប្រជាពលរដ្ឋ ក្រោមអធិបតីភាព ឯកឧត្តម ប៉ូល ពីឌូ រដ្ឋលេខាធិការ នៃក្រសួងមុខងារសាធារណៈ នៅបន្ទប់ “តេជោសន្តិភាព” ជាន់ទី២ នៃអាគារគណៈកម្មាធិការកែទម្រង់រដ្ឋបាលសាធារណៈ នៃសាលាភូមិន្ទរដ្ឋបាល។

កិច្ចប្រជុំនេះ ក៏មានការអញ្ជើញចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ តំណាងក្រសួង និងឯកឧត្តម អគ្គាធិការ អគ្គនាយករង អគ្គាធិការ ប្រធាននាយកដ្ឋាន អនុប្រធាននាយកដ្ឋាន ចំណុះក្រសួងស្ថាប័ន ព្រមទាំងលោក លោកស្រី ដែលពាក់ព័ន្ធផងដែរ៕

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website https://news.gdi.gov.kh

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915