ទីស្ដីការក្រសួងមហាផ្ទៃ៖ នៅរសៀលថ្ងៃពុធ ៣កើត ខែបុស្ស ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៥ ខែមករា ឆ្នាំ២០២២ ឯកឧត្តម ឧត្តមសេនីយ៍ឯក តុប នេត អគ្គនាយករង តំណាងឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បាន​អញ្ជើញ​ចូលរួមក្នុងកិច្ចប្រជុំថ្នាក់រដ្ឋមន្រ្តី កម្ពុជា ឡាវ វៀតណាម លើកទី៣ ស្ដីពីកិច្ចសហប្រតិបត្ដិការបង្ការ ប្រឆាំងបទល្មើស រវាងក្រសួងមហាផ្ទៃ នៃព្រះរាជាណាច​កម្ពុជា ក្រសួង​សន្តិសុខសាធារណៈ នៃសាធារណរដ្ឋ​ប្រជាធិប​តេយ្យ​ប្រ​ជា​មានិតឡាវ និងក្រសួងនគរបាល នៃសាធារណរដ្ឋ​សង្គមនិយមវៀតណាម ក្រោមអធិបតីភាពដ៏ខ្ពង់ខ្ពស់ សម្តេច​ក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តី​ក្រសួង​មហាផ្ទៃ តាមប្រព័ន្ធវីដេអូ (កម្មវិធី ZOOM)។ ក្នុងកិច្ចប្រជុំនេះក៏មាន​ការចូល​រួមពី ឯកឧត្តម រដ្ឋលេខាធិការ អនុរដ្ឋលេខាធិការ ឯកឧត្តម សន្តិបណ្ឌិត អគ្គស្នងការ​នគរបាលជាតិ ឯកឧត្តម ព្រមទាំង​ឯកឧត្តម អគ្គនាយក អគ្គនាយករង តំណាងអគ្គ​នាយកដ្ឋាន​នានា​ចំណុះ​ក្រសួងមហាផ្ទៃ និងអង្គភាពជំនាញ​ពាក់​ព័ន្ធ​ជា​ច្រើនផងដែរ៕