អអគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃចន្ទ ១៥កើត ខែបុស្ស ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៧ ខែមករា ឆ្នាំ២០២២ ឯកឧត្តម ឧត្តមសេនីយ៍ទោ អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារពង្រីកយន្តការច្រកចេញចូលតែមួយសេវាអត្តសញ្ញាណកម្មនៅថ្នាក់សង្កាត់ ក្នុងរាជធានីភ្នំពេញ បានដឹកនាំកិច្ចប្រជុំពិភាក្សាជាមួយក្រុមការងារនៃអគ្គនាយកដ្ឋានរដ្ឋបាល អំពីការដាក់ឱ្យដំណើរការជាផ្លូវការយន្តការច្រកចេញចូលតែមួយសេវាអត្តសញ្ញាណកម្ម និងការសាកល្បងបោះពុម្ព និងផ្តល់ឯកសារ អត្រានុកូលដ្ឋាន និងស្ថិតិប្រជាពលរដ្ឋតាមរយៈប្រព័ន្ធ បច្ចេកវិទ្យាទំនើបនៅសង្កាត់គោលដៅទាំង១៤ ក្នុងរាជធានីភ្នំពេញ។ ក្នុងកិច្ចប្រជុំពិភាក្សានេះ ក៏មានការចូលរួមពី លោកប្រធាននាយកដ្ឋាន អនុប្រធាននាយកដ្ឋាន ប្រធានការិយាល័យ មន្រ្តីជំនាញពាក់ព័ន្ធនៃអគ្គនាយកដ្ឋានទាំងពីរផងដែរ៕