នាយកដ្ឋានអត្តសញ្ញាណប័ណ្ណសញ្ជាតិខ្មែរ នៃអគ្គនាយកដ្ឋាន​អត្តសញ្ញាណកម្ម ដឹងនាំដោយ លោកឧត្តមសេនីយ៍ត្រី ជុំ គុណ្ណា អនុប្រធាននាយកដ្ឋាន និងមន្ត្រីជំនាញដែលពាក់ព័ន្ធ បានសហ​ការជាមួយបុគ្គលិកជំនាញរបស់ក្រុមហ៊ុនអេចអេសស៊ី ចុះថែទាំជួស​ជុល ព្រមទាំង​បញ្ជូលកម្មវិធី​បន្ថែមទៅក្នុងម៉ាស៊ីន​ប្រមូលទិន្ន​ន័យ​អត្តសញ្ញាណប័ណ្ណសញ្ជាតិខ្មែរ ជំហានទី០៣ នៅរាជធានីភ្នំពេញ ខេត្តកណ្តាល ខេត្តតាកែវ ខេត្តកែប និងខេត្តកំពត ដើម្បីបម្រើដល់​ការងារផ្តល់សេវាអត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋ​នៅតាមរាជធានី-ខេត្ត បានរហ័ស និងទាន់ពេលវេលា។