ថ្ងៃសុក្រ ១៥កើត ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៣ ខែកញ្ញា ឆ្នាំ២០១៩ ក្រុមការងារនាយកដ្ឋានអត្រានុកូលដ្ឋានដែលដឹកនាំដោយ ឯកឧត្តម ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចុះទៅស្រុកស្វាយអន្ទរ ខេត្តព្រៃវែង ដើម្បីត្រួតពិនិត្យ និងគាំទ្រការអនុវត្តការងារអត្រានុកូលដ្ឋាន និងការប្រើប្រាស់សៀវភៅស្រង់ស្ថិតិកំណើត អាពាហ៍ពិពាហ៍ និងមរណភាពដែលប្រើប្រាស់ដោយមេភូមិនៅតាមឃុំ សង្កាត់ និងក្រុង ស្រុក ក្នុងខេត្តព្រៃវែង។ ក្នុងកិច្ចប្រជុំត្រួតពិនិត្យនេះផងដែរក៏មានការចូលរួម លោកអនុប្រធាននាយកដ្ឋានអត្រានុកូលដ្ឋាន ព្រមទាំងលោកអភិបាលរងស្រុក លោកនាយករដ្ឋបាលសាលាស្រុក និងលោកមេឃុំ ស្មៀនឃុំ ទាំងអស់ក្នុងស្រុកស្វាយអន្ទរ។ ការចុះត្រួតពិនិត្យនេះមានគោលបំណងមើលអំពីលទ្ធផល នៃការអនុវត្តកន្លងមក និងស្វែងរកចំណុចខ្លាំង បញ្ហាប្រឈម ការខ្វះខាត និងការសហការ ដោះស្រាយ បញ្ហានានា នៅតាមថ្នាក់រដ្ឋបាលនីមួយៗ ឱ្យបានល្អប្រសើរ និងមានប្រសិទ្ធភាព៕