ទីស្ដីការក្រសួងមហាផ្ទៃ៖ នៅព្រឹកថ្ងៃអង្គារ ១៤កើត ខែមាឃ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១១ ខែកុម្ភៈ ឆ្នាំ២០២៥ ឯកឧត្តម អគ្គនាយករង ជាថ្នាក់ដឹកនាំ នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ចប្រជុំក្រុមការងារបច្ចេកទេសរបស់ក្រសួងមហាផ្ទៃ ដើម្បីត្រៀមជួបពិភាក្សា លើសេចក្ដីព្រាងច្បាប់ ស្ដីពី កិច្ចការពារទិន្នន័យបុគ្គល ក្រោមអធិបតីភាព ឯកឧត្តម ទ្រី សុខហេង អនុរដ្ឋលេខាធិការ ក្រសួងមហាផ្ទៃ។

ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្តម អគ្គនាយករង លោកប្រធាននាយកដ្ឋាន អនុប្រធាននាយកដ្ឋាន និងអស់លោកជាក្រុមការងារចំណុះនាយកដ្ឋានពាក់ព័ន្ធផងដែរ៕