ខេត្តកណ្តាល៖ នៅថ្ងៃអង្គារ ៤រោច ខែភទ្របទ ឆ្នាំកុរ ឯកស័ក ព.ស. ២៥៦៣ ត្រូវនឹង ថ្ងៃទី១៧ ខែកញ្ញា ឆ្នាំ២០១៩ លោក យឹម សំអុល អនុប្រធាននាយកដ្ឋានអត្រានុកូលដ្ឋាន និងក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានសហការជាមួយរដ្ឋបាលខេត្តកណ្តាលបើកវគ្គបណ្តុះបណ្តាលរំលឹកឡើងវិញស្តីពីរបៀបកត់ត្រាការងារអត្រានុកូលដ្ឋាន និងលិខិតបទដ្ឋានគតិយុត្តថ្មីៗ។ ក្នុងវគ្គបណ្តុះបណ្តាលនេះផងដែរក៏មានការអញ្ជើញចូលរួម លោកប្រធានការិយាល័យរដ្ឋបាលនិងហិរញ្ញវត្ថុស្រុក លោកអភិបាលរងស្រុក លោកនាយ/នាយរងប៉ុស្តិ៍នគរបាលរដ្ឋបាល លោកអធិការរងនគរ បាល លោកមេឃុំ ស្មៀនឃុំ ជំនួយការរដ្ឋបាលឃុំ ឬសមាជិកក្រុមប្រឹក្សាឃុំដែលជួយសរសេរបំពេញទិន្នន័យចូលក្នុងបញ្ជីអត្រានុកូលដ្ឋាន និងអ្នកពាក់ព័ន្ធដទៃទៀត។ វគ្គទី០១ នេះមានសិក្ខាមសរុបចំនួន២៩៥នាក់ ដែលមកពីស្រុកចំនួន០៥ រួមមានស្រុកលើកដែក ស្រុកស្អាង ស្រុកល្វាឯម ស្រុកកៀនស្វាយ និងស្រុកកណ្តាលស្ទឹង ក្នុងខេត្តកណ្តាល។