ឯកឧត្ដម ឧត្ដមសេនីយ៍ឯក សុក្រិត្យ ថនឥស្សរ៉ា បានអញ្ជើញចូលរួមក្នុងឱកាសដែល ឯកឧត្តម ប៉ាវ ហម ផាន អនុញ្ញាតឱ្យ តំណាងអង្គការ Global Health Advocacy Incubator ចូលជួបសំដែងការគួរសម និងពិភាក្សាការងារ

ទីស្ដីការក្រសួងមហាផ្ទៃ៖ នៅព្រឹកថ្ងៃអង្គារ ២កើត ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៤ ខែវិច្ឆិកា ឆ្នាំ២០២៣ ឯកឧត្ដម ឧត្ដមសេនីយ៍ឯក សុក្រិត្យ ថនឥស្សរ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងពិធីសំណេះសំណាលជាមួយ តំណាងអង្គការ Global Health Advocacy Incubator ចូលជួបសម្ដែងការគួរសម និងពិភាក្សាការងារ ដឹកនាំដោយលោកស្រី Sara Rossi, Associate Director of Advocacy,Date fore Health ក្រោមអធិបតីភាព ឯកឧត្តម ប៉ាវ ហម ផាន រដ្ឋលេខាធិការ ទទួលបន្ទុកការងារអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ។

កិច្ចជំនួបនេះ ក៏មានការចូលរួមពី ឯកឧត្តម អគ្គនាយករង លោកអនុប្រធាននាយកដ្ឋាន ព្រមទាំងលោក ហ៊ុន សុវឌ្ឍនៈ មន្ត្រីសម្របសម្រួលរបស់អង្គការ Global Health Advocacy Incubator ប្រចាំប្រទេសកម្ពុជា និងលោក យី កុសលវឌ្ឍនៈ មន្ត្រីសម្របសម្រួលរបស់អង្គការ Vital Strategies ប្រចាំប្រទេសកម្ពុជាផងដែរ៕