ទីស្តីការក្រសួងមហាផ្ទៃ៖ នៅព្រឹកថ្ងៃអង្គារ ១២រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៩ ខែមីនា ឆ្នាំ២០២២ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម និងជាប្រធានលេខាធិការដ្ឋាន គណៈកម្មាធិការជាតិដឹកនាំតម្រង់ទិសការងារអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម (គ.ជ.ដ.អ) បានអញ្ជើញចូលរួមក្នុងកិច្ចប្រជុំលើកទី៦ នៃគណៈកម្មាធិការជាតិដឹក នាំតម្រង់ទិសការងារអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម (គ.ជ.ដ.អ) ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធាន គ.ជ.ដ.អ។ កិច្ចប្រជុំនេះផងដែរក៏មានការចូលរួម ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្តម អគ្គនាយករង ឯកឧត្តម លោកជំទាវ ជាសមាជិកគណៈកម្មាធិការជាតិ ព្រមទាំងឯកឧត្តម លោកជំទាវជាថ្នាក់ដឹកនាំ លោក លោកស្រីជាសមាជិកក្រុមការងារបច្ចេកទេសអនុវត្តកម្មវិធី (ក.ប.អ.ក) សមាជិកការងារតាក់តែងសេចក្តីព្រាងច្បាប់ និងមន្ត្រីជំនាញពាក់ព័ន្ធក្នុងគណៈកម្មាធិការជាតិ៕