នាថ្ងៃអង្គារ ៦រោច ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៧ ខែធ្នូ ឆ្នាំ២០១៩ ឯកឧត្តម ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមប្រជុំពិភាក្សាផ្តល់យោបល់ បូកសរុបលទ្ធផលការងារត្រួតពិនិត្យ និងគាំទ្រការអនុវត្តការងារអត្រានុកូលដ្ឋានការប្រើប្រាស់ សៀវភៅស្រង់ស្ថិតិកំណើត អាពាហ៍ពិពាហ៍ និងមរណភាពដែលប្រើប្រាស់ដោយមេភូមិ នៅតាមឃុំ សង្កាត់ និងក្រុង ស្រុក ក្នុងខេត្តកោះកុង។ ក្នុងកិច្ចប្រជុំពិភាក្សានេះផងដែលក៏មានការចូលរួម លោកប្រធានការិយាល័យត្រួតពិនិត្យការងារអត្រានុកូលដ្ឋាន នៃនាយកដ្ឋានអត្រានុកូលដ្ឋាន ព្រមទាំង លោកអភិបាលរងស្រុក លោកប្រធានការិយាល័យស្ថិតិ និងអត្រានុកូលដ្ឋានខេត្ត លោកនាយករដ្ឋបាលស្រុក លោកមេឃុំ ស្មៀនឃុំ ជំនួយការឃុំ និងលោកមេប៉ុស្ដិ៍នគរបាលរដ្ឋបាលឃុំ ចំណុះស្រុកស្រែអំបិល ខេត្តកោះកុង៕