សាខាលិខិតឆ្លងដែនខេត្តបន្ទាយមានជ័យ និងខេត្តបាត់ដំបង៖ ដោយទទួលបាននូវការអនុញ្ញាតពីឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម នាព្រឹកថ្ងៃទី២៥ ខែមេសា ឆ្នាំ២០២២ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និងជាប្រធានក្រុមប្រតិកម្មរហ័ស នៃអគ្គនាយកដ្ឋានអត្តសញ្ញាណកម្ម បានដឹកនាំក្រុមការងារ សហការជាមួយនាយកដ្ឋានលិខិតឆ្លងដែនដឹកនាំដោយ លោកឧត្តមសេនីយ៍ទោ អ៊ុក គឹមអធិការ ប្រធាននាយកដ្ឋានលិខិតឆ្លងដែន ចុះធ្វើការត្រួតពិនិត្យការផ្តល់សេវាលិខិតឆ្លងដែន និងបើកប្រអប់សំបុត្រទទួលមតិសំណូមពរប្រជាពលរដ្ឋ នៅសាខាលិខិតឆ្លងដែន ប្រចាំខេត្តបន្ទាយមានជ័យ ព្រមទាំងបានធ្វើការពិនិត្យជាក់ស្តែងនូវទីតាំងផ្តល់សេវា និងជួបប្រជុំជាមួយថ្នាក់ដឹកនាំ មន្ត្រីទាំងអស់ប្រចាំនៅសាខា ដើម្បីពង្រឹងប្រសិទ្ធភាពការផ្តល់សេវាលិខិតឆ្លងដែនជូនប្រជាពលរដ្ឋឱ្យបានកាន់តែល្អប្រសើរ។នារសៀលថ្ងៃដដែល ក្រុមការងារក៏បានបន្តចុះបើកប្រអប់សំបុត្រ និងពិនិត្យណែនាំបន្ថែមដល់ថ្នាក់ដឹកនាំ និងមន្ត្រីប្រចាំនៅសាខាលិខិតឆ្លងដែន ខេត្តបាត់ដំបងផងដែរ៕