នាយកដ្ឋានលិខិតឆ្លងដែន៖ ដោយទទួលបាននូវការអនុញ្ញាតពី ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម នាព្រឹកថ្ងៃព្រហស្បតិ៍ ១២ រោច ខែចេត្រ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី២៨ ខែមេសា ឆ្នាំ២០២២ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និងជាប្រធានក្រុមការងារប្រតិកម្មរហ័ស នៃអគ្គនាយកដ្ឋានអត្តសញ្ញាណកម្ម បានដឹកនាំក្រុមការងារ ដោយមានការចូលរួមសហការពី លោកឧត្តមសេនីយ៍ទោ អ៊ុក គឹមអធិការ ប្រធាននាយកដ្ឋានលិខិតឆ្លងដែន និងថ្នាក់ដឹកនាំ មន្ត្រីជំនាញ ចុះធ្វើការពិនិត្យការផ្តល់សេវាលិខិតឆ្លងដែន និងបានធ្វើការពិនិត្យជាក់ស្តែងនូវទីតាំងផ្តល់សេវា ដើម្បីពង្រឹងប្រសិទ្ធភាពការផ្តល់សេវាលិខិតឆ្លងដែនជូនប្រជាពលរដ្ឋឱ្យបានកាន់តែល្អប្រសើរ។