ខេត្តស្វាយរៀង៖ នៅថ្ងៃអាទិត្យ ១៥រោច ខែអាសាឍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៤ ខែសីហា ឆ្នាំ២០២៤ លោកជំទាវ ឧត្តមសេនីយ៍ឯក លឹម រស្មី អគ្គនាយករង តំណាង ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញអមដំណេីរឯកឧត្តម អភិសន្ដិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ចូលរួមក្នុងពិធីចុះត្រួតពិនិត្យច្រកទ្វារព្រំដែនអន្តរជាតិបាវិត និងកិច្ចប្រជុំជាមួយស្នងការ នៃស្នងការដ្ឋាននគរបាលខេត្តស្វាយរៀង និងកម្មពិធីបិទការប្រកួតកីឡាទូកជ្រេីសរេីសជេីងឯកថ្នាក់ជាតិ ពានរង្វាន់ ឯកឧត្តមអភិសន្ដិបណ្ឌិត លេីកទី១។

ក្នុងពិធីនេះ ក៏មានការអញ្ជើញចូលរួមពីសំណាក់ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្តម លោកជំទាវ អគ្គនាយក អគ្គលេខាធិការ អគ្គស្នងការរង អគ្គនាយករង ព្រមទាំងលោក លោកស្រីប្រធាន/អនុប្រធាននាយកដ្ឋាន ចំណុះអគ្គនាយកដ្ឋាននានា នៃក្រសួងមហាផ្ទៃ និងឯកឧត្ដម លោកជំទាវ អភិបាល អភិបាលរង នៃគណអភិបាលខេត្ត ក្រសួង-ស្ថាប័នពាក់ព័ន្ធដែលពាក់ព័ន្ធជាច្រើនរូបទៀត៕