ខេត្តតាកែវ៖ ថ្ងៃព្រហស្បតិ៍ ១២កើត ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១០ ខែតុលា ឆ្នាំ២០១៩ ឯកឧត្តម ឧត្តមសេនីយ៍ឯក សុខ ឃន អគ្គនាយករង នៃអគ្គនាយកដ្ឋានអត្តសញ្ញាណកម្ម បានចូលរួមធ្វើបទឧទ្ទេសលើការចុះបញ្ជីគ្រប់គ្រងស្ថិតិប្រជាពលរដ្ឋ ជូនដល់នគរបាលប៉ុស្តិ៍រដ្ឋបាល និងមន្ត្រីជំនាញតាមការិយាល័យ លើការងារគ្រប់គ្រងការស្នាក់នៅ នៃស្នងការដ្ឋាននគរបាលខេត្តតាកែវ។ បទឧទ្ទេស ស្តីពី ការគ្រប់គ្រងស្ថិតិប្រជាពលរដ្ឋ បានផ្តោតសំខាន់លើ៖
១. លិខិតបទដ្ឋានគតិយុត្តពាក់ព័ន្ធ
២. នីតិវិធី នៃការចុះបញ្ជីស្នាក់នៅ បញ្ជីគ្រួសារ និង
៣.ណែនាំដល់សិក្ខាកាមនូវមតិផ្តាំផ្ញើរបស់ ឯកឧត្តម នាយឧត្តមសេនីយ៍ អគ្គនាយក នៃអគ្គនាយកដ្ឋានអត្តសញ្ញាណកម្ម ជូនដល់នគរបាលប៉ុស្តិ៍រដ្ឋបាលជួយថែរក្សានូវបញ្ជីស្នាក់នៅ និងបញ្ជីគ្រួសារ ដែលបានរក្សានៅប៉ុស្តិ៍នគរបាលរដ្ឋបាលឱ្យបានល្អ ជៀសផុតពីការខូចខាត និងធ្វើជាម្ចាស់លើការងារប្រតិបត្តប្រចាំថ្ងៃ៕