អគ្គនាយ​កដ្ឋានអត្តសញ្ញាណកម្ម​ ក្រសួងមហាផ្ទៃ មានកិត្តិយសសូមជូនដំណឹងដល់ប្រជាពលរដ្ឋទាំងអស់មេត្តាជ្រាបថា​ អត្តសញ្ញាណប័ណ្ណសញ្ជាតិខ្មែរគំរូថ្មី​ មានសុពលភាពរយៈពេលត្រឹម១០ឆ្នាំ​ គិតចាប់ពីថ្ងៃផ្ដល់​ ដូច្នេះ​ អត្តសញ្ញាណប័ណ្ណដែលបានផ្ដល់ជូនប្រជាពលរដ្ឋតាំងពីខែមិថុនា​ ឆ្នាំ២០១២​ បានអស់សុពលភាពប្រេីប្រាស់ជាបណ្តេីរៗ​ ចាប់ពីខែមិថុនា​ ឆ្នាំ២០២២​ នេះតទៅ។

អគ្គនាយកដ្ឋានអត្តសញ្ញាណកម្ម​ សូមអំពាវនាវដល់ប្រជាពលរដ្ឋដែលមានអត្តសញ្ញាណប័ណ្ណសញ្ជាតិខ្មែរគំរូថ្មីអស់សុពលភាព​ ឬមុនអស់សុពលភាពរយៈពេល​៩០ថ្ងៃ​ សូមអញ្ជេីញមកបំពេញបែបបទប្ដូរយកអត្តសញ្ញាណប័ណ្ណសញ្ជាតិខ្មែរថ្មី​ នៅតាមបណ្តាទីតាំងដូចក្នុងសេចក្តីប្រកាសព័ត៌មាន ខាងក្រោមនេះ៕