អគ្គនាយកដ្ឋានអត្តសញ្ញាណកម្ម៖ នៅរសៀលថ្ងៃចន្ទ ៧កើត ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី៣១ ខែតុលា ឆ្នាំ២០២២ ឯកឧត្តម ឧត្តមសេនីយ៍ទោ អ៊ុកចាយ បញ្ញារ៉ា អគ្គនាយករង និងជាប្រធានក្រុមការងារ​គាំទ្រយន្ត​ការច្រកចេញតែមួយសេវាអត្តសញ្ញាណកម្មនៅថ្នាក់ឃុំ សង្កាត់ បានដឹក​នាំ​កិច្ចប្រជុំ​បូកសរុប​លទ្ធផល​វឌ្ឍន​ភាព​ការ​ងារ​​គាំ​ទ្រយន្ត​ការច្រកចេញតែ​មួយសេវា​អត្តសញ្ញាណកម្ម​នៅ​ថ្នាក់ឃុំ សង្កាត់ អំពីបញ្ហាប្រឈម សំណូមពរ ដំណោះ​ស្រាយ និងលើក​ទិស​ដៅការងារបន្ត។ ក្នុងកិច្ចប្រជុំនេះ​​ក៏មាន​ការ​អញ្ជើញ​ចូលរួម លោកឧត្តម​សេនី​យ៍​ទោ ប្រធាននាយក​ដ្ឋាន​គ្រប់គ្រងប្រព័ន្ធព័ត៌មានវិទ្យា និងជាអនុ​ប្រធានអចិន្ត្រៃយ៍ លោក លោកស្រីអនុប្រធាននាយកដ្ឋាន លោក លោកស្រី នាយ នាយរងការិយាល័យ ចំណុះនាយក​ដ្ឋាន​ដែលពាក់ព័ន្ធ នៃអគ្គនាយកដ្ឋានអត្តសញ្ញាណកម្ម និងសមាជិក សមាជិកា របស់ក្រុមការងារផងដែរ៕